LEGAZPI CITY-Makakaeksperyensya nin mga pag-uuran an Bicol Region huli sa nagdadangadang na raot nin panahon na si Bagyong Rosal.
Segun ki Weather Specialist Riana Basallote, sa intrevista kan Bombo Radyo Legazpi na an trough kan bagyo an makakaapektar, partikularmente sa Catanduanes asin laoman an mga mapanganuron na kalangitan, kalat-kalat na pag-uuran, pagkikilat asin pagdaguldol.
Mantang sa ibang parte naman kan rehiyon, localized thunderstorm naman an makakaapektar na igwang darang pagkikilat asin pagdaguldol.
Sinaysay kan opisyal na an magigin kusog asin pagbugso kan parus kan nasabing bagyo, an kapareho kan Super Typhoon Inday kan nakaaging Hulyo ngonian na taon.
Pigpapagirumdoman man an publiko na mag-ingat orog na sa mga nasa customs area, siring man sa mga small fishing vessel na dae muna magpalaot, orog na sa mga apektadong lugar asin igwang advisories.
Pinapatanidan man an gabos na magin alerto, mantang sinabi kan opisyal na magigin minimal an epekto kan nasabing raot nin panahon sa Bicol region.
