Nadiskubre kan mga astronomer sa pinaka enot na bes an sarong green star sa kalawakan na inapod na WD J1330+6435, sarong white dwarf na madudukayan sa 280 light-years an rayo hali sa Earth.
Basado sa pag-aadal na pinangenotan kan astrophysicist na si Mark Hollands hali sa University of Warwick sa England, nagkaigwa nin kolor chartreuse green an bituon makalihis kaunon an mga natadang debris kan mga nakapalibot na planeta.
Paliwanag kan mga ekspertom an halangkaw na densidad kan white dwarf an nagkakawsa nin padagos na pagbangga kan helium atoms sa sodium atoms, kaya nabago an nahihiling na liwanag kaini sa spectrum.
Imbes na an komon na kahel o puti, na-absorb kan mga atoms an kolor na yellow asin pula mantang ipigluluwas man kaini an kakaibang berdeng liwanag na bihirang mahiling sa mga bituon.
An historikal na pagkakadiskubreng ini an naisapublikar sa journal na RAS Techniques and Instruments na nagpapatunay na an kabilugan kan universe an pano nin mga kakaibang kababalaghan na maikokumparar sa science fiction.
