LEGAZPI CITY-Mapapaatubang an Thailand sa makukusog na pag-uuran poon ngonian na aldaw sagkod Oktubre 25, susog sa Thai Meteorological Department (TMD).
Apektado kaini an South and East kan nacion antes na maapektaran kan presenteng kamugtakan kan panahon an Bangkok asin iba pang rehiyon.
An TMD, nagpaluwas na nin sarong bagong patanid na magkakaigwa nin “heavy to very heavy rain” sa mga parte kan nacion, na nagpapalangkaw kan peligro nin mga biglaang pagbaha, overflows, asin pagrasay nin daga sa mga bulnerableng sektor.
Sa enot na abiso kaini, na ipinaluwas kan Sabado, Oktubre 17, sinabi kan departmento na an kondisyon laoman na makusog pa sa pag-abot kan Oktubre 21–25, kapag nagdagdag an rainfall sa lower Northeast, Central region, kasabay an Bangkok asin iba pang mga probinsya.
Siring man an East and upper South, na laomang makakaeskperyensya nin kalat-kalat na makukusog na pag-uuran asin gusty winds.
Nangapudan an ahensya sa mga indibidwal sa mga apektadong lugar na mag-ingat sa makusog na duros, makusog pag-uran asin marikas na pagbabago kan kondisyon na pwedisir mag-trigger nin flash floods, overflows, asin landslides.
