Pinawarang sala kan Sandiganbayan Second Division si dating Department of Health (DOH) Secretary asin presenteng Iloilo 1st District Rep. Janette Garin sa mga kasong graft asin malversation of public funds katakod kan kontrobersyal na pagbakal nin Dengvaxia vaccine kan 2015.
Basado sa desisyon kan hukuman, napatunayang warang bastanteng ebidensya na nagpahiling kan maraot na obheto o matinding kapabayaan si Garin sa pagpapaotob kan nasabing pambansang immunization program.
Nag-ugat an kaso sa pagbakal kan gobierno kan Disyembre 2015 nin poco mas o menos P3.5 bilyong kantidad nin bakuna hali sa pharmaceutical giant na Sanofi Pasteur sa huring par kan administrasyong Aquino.
Ginibo an immunization program kan Abril 2016 kun sain labi sa 800,000 na mga estudyantye sa pampublikong eskwelahan sa Central Luzon, Calabarzon, asin National Capital Region an natawan nin bakuna ngani na labanan an naglalangkaw na kaso kan dengue.
Sa ibong kaini, ipinapundo an programa kan Nobyembre 2017 makalihis magluwas nin patanid an Sanofi na an bakuna an pwedesir na magkawsa nin mas malalang sintomas sa mga indibidwal na dae pa nuarin man nagkaigwa nin dengue, na nagresulta sa mahewasn na kontrobersiya asin serye nin mga kaso kontra sa opisyal.
Sa ibong kan mga kaso sa manlain lain na korte, pigduon kan kampo ni Garin na ginbibo an proceurement na honesto para sa pampublikong salud asin susog sa naga-iral na ley kan gobierno.
