Dae na idadagos kan House prosecution team ang Article III o bribery charge laban kay Vice President Sara Duterte sa impeachment trial.
Kinumpirmar ni House prosecutor Keith Flores na nagsumiter na sinda nin written manifestation sa Senate Impeachment Court kan Martes nganing pormal na halion an nasabing artikulo.
Segun ki Flores, isinasaalang-alang kan prosecution team an itinalaang panahon nin paglilitis asin habo na nindang palabaon pa an pagdangog na pwedesir magporbar sa pasensya kan publiko asin mga senator-judges.
Imbes, tatapuson kan prosecution ang presentasyon nin ebidensya sa Article II o ang alegasyon kan unexplained wealth laban kay Duterte.
Pigdoon man ni House prosecutor Rodge Gutierrez na nagtitinir na matibay an saindang kaso sa kada artikulo kan impeachment.
