LEGAZPI CITY-Ibinalik ni Department of the Interior and Local Government (DILG) Secretary Jonvic Remulla an P28,011 na ginastos ni Reina Mercedes, Isabela Vice Mayor Atty. Harold Respicio para sa saiyang drug test.
Nagpoon an isyu makalihis na mag-viral sa social media an naging gawi ni Respicio sa sarong forum sa saindang provincia.
Huli kaini, inagyat ni Remulla an bise alkalde na magpa-drug testing.
Tulos man na nagpa-drug test si Respicio kan Oktubre 7, 2026 asin sa resulta na saiyang ipinaluwas sa publiko, nag-negatibo siya sa paggamit kan iligal na droga.
Nagkantidad man suboot nin P28,011 an nasabing drug test.
Makalihis na magluwas an resulta, sinabi ni Respicio na mawot niyang i-reimburse ni Remulla an saiyang mga gastos.
An Kalihim tulos na nagsimbag kaini asin ipinadara an bilog na kantidad ngonian na aldaw nin Huwebes, Oktubre 8.
Nagheras naman si Remulla nin screenshot kan P28,011 na saiyang ipinadara sa comments section kan post ni Respicio bilang patunay kan reimbursement.
Kalakip man kaini an halipoy na mensahe na, “Eto na, Happy?”.
