LEGAZPI CITY- Pinag-aantisiparan kan Bicol South Luzon Sub National Reference Laboratory na nasa 200 o labi pa an mapartisipar na blood donors sa nakatalaan na Dugong Bombo: A Little Pain, A Life to Gain sa Nobyembre 14.
Segun ki Donor Recruitment Officer Nicole Anne Bejo sa intrevista kan Bombo Radyo Legazpi na magigin dakulang tabang an nasabing numero urog na sa padagos na pangangaipo nin suplay nin dugo sa rehiyong Bicol sa presenteng panahon.
Huli digdi, inenganyar kan opisyal an publiko na makipartisipar sa nasabing blood letting activity ngani na mas dakol na buhay an maisalbar.
Paliwanag kan opisyal na an sarong matrayumpong blood donor an pwedesir na makapagsalbar nin tulo hasta limang buhay.
Sa parte kan Bombo Radyo Legazpi, an Dugong Bombo 2026 an isasagibo sa second level kan Pacific Mall Legazpi City sa Nobyembre 14.
