Sarong 15-anyos na gunman ang nambadil sa luwas kan sarong eskwelahan sa Turkey kun sain labi 11, kabale an pirang mga estudyante na nairido.
Tulo sa mga irido an naireport na nasa kritikal na kondisyon asin presenteng pigsasarairom sa intensive care unit mantang saro na man an nakaluwas na kan ospital.
Nangyari an nasabing pambabadil sa luwas kan sarong eskwelahan sa Turgutlu sa Manisa province.
Napagaraman na estudyante man kan nasabing eskwelahan an suspek. Nakuhanan man nin CCTV footage ang mismong pagabot kaini sa institusyon na may bitbit na armas, siring man an paghali kaini makalihis an insidente.
Segun sa Education Minister kan Turkey na si Mustafa Ciftci, nakua an ginamit na badil kan suspek sa harong kan lolo asin lola kaini.
Presente mang iniimbestigahan kan lokal na gobierno kan Turkey ang insidente mantang dae pa tukoy an aktwal na motibo kan pambabadil.
Nasa kustodiya na man kan gobierno an magurang asin lolo’t lola kan suspek bilang parte kan padagos na pag-iimbestiga sa insidente.
