LEGAZPI CITY-Pinaglalaoman na nasa 7 milyong katawo an makikisumaro sa pagbisita ni Pope Leo XIV sa Argentina sa Nobyembre ngonian na taon para sa first papal trip sa laog nin 40 taon.
Poon 1987, warang sisay man na pope na tradisyunal nagduman para sa Catholic South American nation.
An Santo Papa asin US-born pontiff, mabisita man sa Uruguay asin Peru durante kan nasabing biyahe.
Sa Argentina, magkakaigwa nin tulong open-air masses asin relihiyosong pagtiripon sa Buenos Aires asin sa central Cordoba province sa laog nin apat na aldaw susog sa agenda na ipinaluwas kan Vatican.
An nabanggit na nacion, preparado na para sa pinakadakulang security operation sa historya susog kay Security Minister Alejandra Monteoliva.
Pigsierto kan mga security forces an kaligtasan kan Santo Papa para sa nasabing biyahe na ma-cover sa 3 hurisdiksyon, 3 aerupuerto, 11 closed-venue events, asin 3 mass events.
Pigkokonsiderar naman kan gobierno an pagdeklara kan special day off o national holiday ngani magin pasil para sa mga namamanwaan na makapag-biyahe sa papal events.
Maghihilingan man sina Pope Leo asin President Javier Milei sa arrival kaini sa Buenos Aires sa Nobyembre 8, kaiba an iba pang mga civil society representative.
