LEGAZPI CITY—Matrayumpong naikundusir kan provincia nin Albay an “Search and Destroy” Dengue Clean-Up Drive bilang lakdang kontra sa helang na dengue sa provincia.
Segun sa pahayag ni Albay Governor Noel Rosal, , bako sana ini an enot asin huring bes na gigibohon alagad magpapadagos an nasabing lakdang sa mga manlaen-laeng lugar.
Ginibo an Clean-Up Drive sa mga pampubliko asin pribadong eskwelahan asin barangay.
Kasunod kan pagdeklarar nin state of calamity sa provincia obheto kaini na mapababa an kaso kan dengue sa paagi kan paggamit nin mga resources.
Mientrastanto, nangapudan man an gobernador sa mga namamanwaan na magtarabangan sa paglinig kan kapalibutan nganing makalikay sa nasabing helang.
