LEGAZPI CITY-Nagtutubod si University of the Philippines (UP) College of Law Assistant Professor Atty. Si Michael Tiu Jr. na an personal na pag-atubang ni dating Presidente Rodrigo Duterte sa International Criminal Court (ICC), sarong estratehiya na ginagamit kan grupo nin depensa.
Marurumduman na an dating presidente nag-atubang sa international tribunal kan Setyembre 16 para sa ikatolong conference sa estado manungod sa kasong crimes against humanity na isinangat laban saiya.
Segun kay Atty. Tiu Jr., an lakdang na ini kan bagong nangengenot na abogado pwedisir may katuyuhan na tugutan an mga judges kan ICC na lubos na ma-assess an mental o cognitive state ni Duterte.
Pwedisir man na taktika suboot ini kan defense team na ipahiling sa korte na wara sa tamang mental condition an dating presidente ngani hampangon o masabutan an trial na nakatalaan na magpoon sa Nobyembre 30.
Enot nang nanindugan an saiyang mga abogado na an presidente igwang severe memory loss kun sain nalilingawan niya an mga pangaran kan saiyang sadiring counsel.
An pag-atubang ni Duterte sa ICC, iyo an pinakaenot na pagkakataon na siya nahiling sa publiko poon kan siya arestaron sa Pilipinas kan Marso 14, 2025.
