LEGAZPI CITY-Dai nakaabante an Alas Pilipinas Women sa quarterfinals kan 2026 Asian Games Women’s Volleyball tournament pagkatapos an 3-1 na pagkadaog sa Kazakhstan sa sarong mahigot asin nakakapukaw na laban.
An Pilipinas nakua an enot na set, 29-27, alagad an Kazakhstan nagbalik sa paagi kan magkasunod na set nganing selyuhan an kapangganahan sa scores na 26-24, 25-23, asin 25-19.
An enot na set sarong mainit na laban, an duwang koponan nagpalitan nin puntos. An Kazakhstan nakaabot sa set point pagkatapos kan duwang magkasunod na block, alagad si Eya Laure naka-iskor nganing magtenir na buhay an Pilipinas sa set.
Sa pinalawig na laban, an Alas Pilipinas nagtenir na matatag asin sa kahurihurihi nasierto an enot na set, 29-27.
An Kazakhstan nag-abante sa amay na parte kan ikaduwang set, na nag-establisar nin limang puntos na bentahe. Alagad, an Pilipinas nag-rally sa mga suminunod na pag-aling, na pinahalipot an agwat sa 23-21.
Sa giraray nakaabot sa set point an Kazakhstan, alagad naka-iskor an Pilipinas nganing mapalawig an set. Sa katapustapusi, an Kazakhstan an nagdomina kan ikaduwang set, 26-24, nganing pantay an laban.
Sa ibong kan pagkalugi, si Angel Canino asin Alyssa Solomon an nangenot sa mga pag-atake kan Alas Pilipinas.
Si Canino nakakua nin 24 puntos, na hale sa 20 na attack, duwang block, asin duwang aces.
Mientras tanto, si Solomon nagkontribwir nin 20 puntos, kabali an 15 attack, apat na block, asin sarong ace.
Sa apat na set na pagkalugi na ini, an Alas Pilipinas Women dai nakaabante sa quarterfinals kan 2026 Asian Games Women’s Volleyball tournament.
