Nakatalaan na magkondusir an International Criminal Court (ICC) Trial Chamber III nin status conference sa kasong crime against humanity kontra ki dating Presidente Rodrigo Duterte ngunyan na Miyerkules, Setyembre 16.
Mapuon ini bandang alas-4:30 nin hapon oras sa Pilipinas.
Sa nasabing ikatulong status conference, tutukaron kan chamber an nagkapirang isyu siring kan listahan kan mga witnesses, listahan kan mga ebidensiya, mga disclosure sa mga defense asin nagkapirang posibleng insidente.
Kaibanan man sa tutukaron an pagdesignar nin schedule sa trial proper na mapuon sa Nobyembre 30 kaibanan an propuestong magkakasunod na pagdangog na igwang breaks asin sitting hours.
Dae man masierto kun makaka atendir an dating presidente nin personal alagad kaipuhan man liwat kaining ipresentar an sadiri sa mga ICC judges.
