LEGAZPI CITY-Sinabi kan Political Analyst na si Prof. Amir Solon Sison na posibleng magin inspirasyon an mga pagbabago sa pamamahala kan Bangsamoro Autonomous Region in Muslim Mindanao (BARMM) nganing ikonsidera an pag-shift sa parliamentary system sa nacion.
Segun sa Propesur, sa intrevista kan Bombo Radyo Legazpi, na “interesting” an sistema sa parliamentary huli ta bako sana sarong tawo an nagho-hold kan posisyon.
Paliwanag ni Sison na sa electoral rule kan parliamentary na igwang set nin proportion an kada partido asin depende sa percentage an pagkua kan saindang “number of seats”.
Sinabi man niya na magayon ini huli ta dai nagsusunod sa tradisyunal na sistema kun sain, kun sisay an igwang pinakadakol na boto, iyo an kadaklan na nagdidikta kan gabos.
Alagad pag-abot sa parliamentary system, kinakaipuhan na magbilog nin coalition government kun sain gabos na “relevant parties”, matatawanan nin pagkakataon na maging parte kan pagbilog nin gobierno, imbes na nakasalalay sana sa “personality policitcs”.
Magayon suboot ini huli ta mababawasan an “populism politics” na nagin helang na kan Philippine politics sa laog nin haros 100 taon.
Sa parliamentary system, mas naha-highlight suboot an mga partido, susog sa opisyal.
