LEGAZPI CITY-Winasak kan militar kan Israel an mga underground infrastructure kan Hezbollah sa kahalabaan kan Ali al-Taher ridge sa Southern Lebanon nganing orog pang pakusugon an pigkokonsiderar kaining security zone sa lugar.
Sa sarong pinagsararong pahayag, si Prime Minister Benjamin Netanyahu asin Defence Minister Israel Katz, nag-anunsyo na an mga pwersa kan Israel magtetenir sa rehiyon nganing ulangon an Hezbollah na magtipon asin magtugdok giraray kan kusog kaini.
Susog sa militar kan Israel, nakua ninda an kontrol sa sarong network nin mga tunnel na minaabot nin labing duwang kilometro, na igwa nin mga rocket, missile, drone, asin iba pang mga kasangkapang militar na pagsasadiri kan Badr unit kan Hezbollah.
An mga makusog na pagsabog namatean sa rehiyon kan Nabatieh mantang nagpapadagos an mga operasyon, sa ibong kan kasunduan sa ceasefire kan Hunyo.
An kasunduan nagtetenir sa nakabitin huli sa pagsayuma kan Hezbollah na isuko an mga armas kaini, mantang an Israel nagsasayuma na mag-atras sagkod na an grupo dai nadis-armahan.
An Israel nagmukna man nin mga estratehikong posisyon sa Southern Lebanon poon pa kan 2023 nganing magserbing buffer zone laban sa mga huma na dara kan Hezbollah.
