Sienerto kan Palasyo kay Vice President Sara Duterte na dae gagamiton kan administrasyong Marcos ang Philippine National Police o PNP bilang kasangkapan nganing kulugan siya o an saiyang suportadores.
Ini an pahayag kan Presidential Communications Office makalihis sabihon ni Duterte na nangangamba siya para sa saiyang buhay asin dae nagtitiwala sa pulisya, korte asin magin security team na nakatalaga saiya.
Segun ki Palace Press Officer Claire Castro, dae tutugutan kan administrasyon na gamiton an PNP sa anumang klase nin karahasan.
Pigdoon man kan Palasyo an kumpiyansa kaini sa liderato asin labi 230,000 personahes kan PNP na padagos na propesyonal sa pagprotekta sa direchos kan mga tawong nasa saindang pangagatamanan.
Inengganyar man kan administrasyon si Duterte na iagi sa mga legal na paagi an anumang reklamo o pangamba sa mga hiro kan kapulisan, imbes na magluwas suboot nin warang basehang alegasyon.
Nagpahayag man nin katiyakan si PNP Chief Gen. Jose Melencio Nartatez Jr. na tutugunan kan pulisya ang mga pangamba ni Duterte sa saiyang seguridad.
Sinugo na man an mga kinauukulang police units na padagos na mag-monitor asin magsagibo nin threat assessment laban sa bise presidente asin sa saiyang threat assessment laban sa bise presidente
Siringman, sinaysay kan PNP na hasta ngunyan an wara pa ining natutukoy na beripikadong huma laban kay Duterte o sa saiyang pamilya.
