LEGAZPI CITY—Kasunod kan ginibong groundbreaking ceremony an nakatalaang puonan nang ikonstruir an multi-purpose building kan Barangay Calbayog, Malilipot, Albay.
Segun ki Kapitan Gilbert Bolaños kan nasabing barangay, sa intrevista kan Bombo Radyo Legazpi, haloy na ninda ining pighahagad puon pa kan 2022 kaya labi an saindang pasasalamat na natupad na ini ngunyan.
Huli kaini dae na sinda madidifisilan en kaso nmagkaigwa nin mga aktibidades an saindang barangay.
Dugang kan opisyal na nag-abot sa P11.9 milyon an itinagamang pondo para sa pagkonstruir kan nasabing edificio kun sain may labi 200 aldaw an pagtrabaho kaini.
Dakula man an pasasalamat kan saindang opisina sa mga nagtabang na persona nganing mapuonan na ini siring kan mga lokal na opisyal asin lokal na gobierno kan Malilipot.
