LEGAZPI CITY- Matrayumpong naarestar kan mga otoridad sa ipigkondusir na manhunt operation sa Barangay Cawayan, Bacacay an rank no. 1 provincial most wanted person kan Albay.
Naarestar an suspek na si alyas Vince, 64-anyos kasunod kan operasyon na ikinasa kan Bacacay Municipal Police Station, sa pakikipagtabangan sa Provincial Intelligence Unit asin 2nd Provincial Mobile Force Company kan Albay Police Provincial Office.
Nahahampang ini sa kasong 10 counts nin qualified rape.
Tulos man ining ipigsairarom sa kustodiya kan Bacacay Municipal Police Station para sa magkakanigong disposisyon.
Marurumduman na pinakusog pa kan Police Regional Office 5 an paglamag sa mga persona na igwang eksistidong mandamiento de aresto ngani na mapanimbag an mga ini sa ley.
