LEGAZPI CITY—Nirespondehan kan mga otoridad an sarong pickup truck na suboot nag-overshoot sa parte kan Highlands sa Barangay Estanza, Legazpi City.
Segun ki Legazpi City Task Force Head Andy Marbella, sa intrevista kan Bombo Radyo Legazpi, salbado man an apat na personang lunad kan nasabing behikulo.
Napag-araman na mga boarder asin nagkaklase sa ciudad an mga naunambitang indibiwal.
Segun saiya na posibleng dae pamilyar sa lugar an mga ini asin nasa impluwensya nin arak kan nangyari an insidente.
Dugang pa ni Marbella na nakapagrehistro man nin diklit na danyos an bagong behikulo.
Sa ngunyan, balak kan opisina na bugtakan nin early warning device asin palatandaan nganing magin visible ini sa motorista aga man o banggi nganing malikayan an bangin sa lugar.
Nagpatanid man si Marbella sa mga motorista na dae paggibohon na racing competition an patukad na parte kan lugar asin mag-focus sa tinampo mantang nagmamaneho nganing malikayanm an siring na mga insidente.
