Amay na nagtapos an mixed doubles campaign ninda Filipina tennis star Alex Eala asin Canadian partner Felix Auger-Aliassime makalihis sindang daugon kan tambalang Elina Svitolina asin Gael Monfils sa iskor na 1-4, 1-4, sa enot na round kan 2026 US Open mixed doubles round of 16.
Nagdurar sana anin 39 minuto an laban na ginamitan nin FAST4 format, kun sain an enot na pades na makakakuwa nin apat na kawat an mangagana sa set.
Magayon an naging pagpupuon ninda Eala asin Auger-Aliassime makalihis makuwa an enot na set.
Alagad marikas man na nakabawi sinda Svitolina asin Monfils asin nanggana sa apat na magkakasunod na kawat ngani na makuwa an enot na set, 4-1.
Liwat na nakalamang an Filipino-Canadian pair sa iskor na 1-0 sa ika-duwang set, alagad naitabla man ini kan kalaban asin dagos na nakuwa an momentum.
Alagad nagtapos an mixed doubles run ni Eala, dae pa tapos an saiyang US Open campaign huli ta nakatalaan siyang lumaban sa women’s singles na mapuon sa Agosto 30.
