LEGAZPI CITY—Naka-full force ngunyan an Public Safety Office Legazpi katabang an kapulisan asin local officials katakod kan isasagibong Ibalong Festival street dance presentation sa Sabado, Agosto 22.
Segun ki Public Safety Office Legazpi Head Octavio Rivero, sa intrevista kan Bombo Radyo Legazpi, paramientras na isasarado an tinampo puon sa may parte kan Barangay Bitano, sa may public market, nagkapirang parte kan Lapu Lapu street, Quezon Avenue, magin sa may Victory Village.
Mapuon an ruta kan parade sa Landco Business Park, pasiring sa F. Imperial Street, Rizal Street pasiring sa Ibalong An Epekong Bikolnon Monument, Lapu-Lapu street hasta sa makaabot sa Ibalong Park.
Isasarado an mga nasabing tinampo pasado ala-1:30 nin hapon asin mapuon an aktibidad alas-tres nin pagkahapon.
Dugang kaini na nakaalerto man an personahes kan Bureau of Fire Protection, Quick Response Team, City Health Office asin iba pang ahensya en kaso may dae piglalaomang insidente sa nasabing aktibidad.
