Pwedesir dae magalog o magsayumang magtrabaho ang mga empleyado huli sa posibleng peligro kawsa kan maraot na panahon o siring na pangyayari, alagad warang regular na sahod, susog sa Department of Labor and Employment (DOLE).
Sa Labor Advisory No. 14, sinabi kan DOLE na nasa desisyon kan pribadong employer kun sususpendiron kaini an trabaho huli sa weather disturbances asin siring na pangyayari.
Kun dae nagtrabagon an sarong empleyado, warang regular na sahod afuera kun may mas paborableng company policy, practice, collective bargaining agreement, o tinugutang gamiton an accrued leave credits.
Kun naglaog man asin nakapagtrabaho nin labi sa anom na oras, mareresibe an bilog na regular na sahod. En kaso nagtrabaho nin mas mababa sa anom na oras, proportionate pay sana an mareresibe.
Mientras tanto, pirang aldaw nang sinuspinder an klase asin trabaho sa gobyerno huli sa padagos na pag-uran kawsa kan habagat.
