LEGAZPI CITY-Piglinaw kan Schools Division of Albay na bako otomatikong isususpendir an klase enkaso igwang power outage advisory o brownout.
Segun kay SDO Albay Spokesperson Froilan Tena, sa intrevista kan Bombo Radyo Legazpi na enot nasa governor an direktiba asin ikaduwa posibleng ipasa sa mag mayor sagkod sa mga school heads asin principal huli ta sinda an nakakaaram kan sitwasyon sa saindang mga eskwelahan.
Nag-brownout kaya sa nagkapirang lugar sa 3rd District partikularmente sa banwaan kan Guinobatan asin Pio Duran.
Sinabi ni Tena na an school head an magdedeklara kaini huli sa instruksyon kan mayor asin supervisors sa kada distrito.
Posible man suboot na magdeklara nin asychronous classes enkaso igwang brounwout o kaya naman magpaotob nin early dismissal kan mga klase.
Tinawan doon kan opisyal na bako otomatikong isususpendi an klase huli ta igwang epekto ini sa kakulangan sa pag-aadal, kaya kaipuhan na magsagibo nin mga stratehiya ngani malagpasan an mga ini.
