LEGAZPI CITY-Pig-enganyar ni U.S. President Donald Trump an Iran na magsuko na sana ngani matapos na an nagpapadagos na gera sa pagultanan kan duwang nacion.
Sa sarong phone interview, sinabi ni Trump na dapat suboot magtaas nin “white flag of surrender” an Iran mantang nagtetenir na dai makausad an mga pag-oolay para sa ganap na pagtatapos kan labanan.
Kan Hunyo, nagkasundo an Washington asin Tehran sa sarong memorandum of understanding na nagtakda kan tulos asin permanenteng pagpundo kan mga operasyong militar sa gabos na kampo.
Alagad, dai ini naghaloy asin sinabi ni Trump na napaso na an kasunduan kan Hulyo 7, mantang kinumpirma man kan Iranian Foreign Ministry makalihis an sarong semana, na saindang kinansela an kasunduan.
Sa irarom kaya kan nasabing kasunduan, dapat makiki-pagnegosasyon an duwang nacion sa laog kan 60-aldaw sa sarong mas mahewas na kasunduan, kaiba an orolay sa nuclear program kan Iran.
Sa nagin hiwalay na pag-oolay kan Oman asin Iran, tinalakay kaini an liwat na pagbubukas kan commercial shipping sa Strait of Hormuz.
Nagpatanid man si Trump laban sa Oman enkaso ulangan suboot kaini an mga lakdang kan US sa rehiyon.
Giit pa kan U.S President na pangenot na obheto kan saiyang administrasyon, iyo an pugulan an Iran na magkaigwa nin nuclear weapon.
