Nag-abot sa 201.7 millimeters na bulos nin uran an nairehisto sa Metro Manila sa laog sana nin limang oras kan Lunes, Agosto 17, huli sa makusog na na pag-uran kawsa kan Southwest Monsoon o Habagat.
Segun sa Metropolitan Manila Development Authority (MMDA), basado ini datos kan PAGASA Science Garden Station sa Quezon City puon alas-9 nin aga hasta alas-2 ng hapon.
Sa laog sana nin duwang oras, puon alas-12 nin udto sagkod alas-2 ng hapon, nag-abot tulos sa 138 millimeters ang dami kan uran.
Huli digdi, marikas na naglanglaw an tubig asin nagkaigwa nin mga pagbaha sa pirang parte kan Metro Manila.
Tulos man na nagpalakop an MMDA nin mga flood control personnel nganing linigon an mga baradong drainage asin maparikasan pag-urong kan baha.
