Tinuyaw ni Defense Secretary Gilberto Teodoro Jr. ang pinakahuring pahayag kan Chinese Foreign Ministry laban saiya, na inapod niyang “squid tactic” o pagporbar na ilihis an orolay sa paagi kan disinformation.
Nag-ugat an isyu sa pagtuyaw ni Teodoro sa aksyon kan China kontra sa labi 100 Pilipinong suboot ilegal na nagtatrabaho o nag-iistar sa nasabing nacion.
Ipigdoon kan Chinese Foreign Ministry na kaipuhang magsunodsa ley kan China an mga dayuhan asin pinahimutikan kaining nakasentro an operasyon sa sarong partikular na nacion.
Binalikan naman ni Teodoro an pagkakaarestar sa mga Chinese national sa sarong steel plant sa Misamis Oriental, na imbuelto suboot sa ilegal na aktibidad, kabale an paggamit asin pagproseso kan substandard asin radioactive steel magin an pagtapok nin kadakol na tubig asin toxic fumes.
Ipigdoon kan kalihim na may bastante asin legal na ebidensyang nakalap ang mga awtoridad laban sa mga inaresto.
