LEGAZPI CITY-Pinalagan kan kampo kan Bise Presidente an pagsangat nin 3 counts sa kasong grave threats.
Sa paagi kan legal counsel kan Bise hale sa sa Chua Lim & Associates na si Atty. Paul Lawrence Lim, piglalaoman asin pinaghandaan na kan saindang legal team an siring kaining desisyon.
Nanindugan an abogado na sa irarom kan ley, nagtetenir suboot na inosente an Bise Presidente asin tiwala sindang maibabasura man an mga reklamong ini.
Tinawan doon man kan legal counsel na bilang presenteng impeachable officer, dai posibleng kasuhan an Bise Presidente mapadapit sa saro suboot na probisyon o pagbayolar na sakop man kan presenteng kasong impeachment laban sa saiya.
Huli sa mga seryosong isyung legal na ini, pigsierto kan kampo kan Bise Presidente na gagamiton ninda an gabos na mga abilableng legal remedies sa tamang panahon.
