LEGAZPI CITY-Ipighayag ni dating Senador Antonio “Sonny” Trillanes IV saiyang pinapundo an mga kasong isinangat laban sa suboot apat na dating sundalo makalihis bawion kaini an saindang naenot na affidavits asin alegasyon laban sa saiya, sa International Criminal Court (ICC), asin sa iba pang personalidad.
Segun kay Trillanes, bilang dating sundalo, nakikisimpatiya siya sa kalagayan kan mga ini na suboot pinagsamantalahan huli sa kawaran nin kabuhayan kan mga tawong igwang obhetong pang politikal.
Pinaglalaoman man niyang magserbing magabat na leksyon an saindang pinag-agohan ngani dai na mautro pa an kaparehong sitwasyon.
Dagdag pa niya, nagtutubod sioyang igwang iba pang dating sundalo na hasta ngonian nalilinlang pa kan mga kaparehong grupo.
Tinawan doon ni Trillanes na an saiyang desisyon sarong lakdang ngani ipahiling an malasakit sa kapwa sundalo na nag-agi sa matinding pagsubok.
Naglalaoman man siya na kalaunan magbubukas an isipan kan iba pang dating suldados asin mahiilng an tunay na motibo sa likod kan mga panlilinlang.
