Mahampang ngunyan na Lunes an duwang auditor kan Commission on Audit (COA) bilang mga testigo sa impeachment trial ni Vice President Sara Duterte.
Napag-araman na magpapatunay sinda dating Intelligence and Confidential Funds Audit Office state auditor Roderick Wamil asin supervising auditor Celine May Del Campo dapit as pag-audit kan confidential funds kan Office of the Vice President (OVP) asin Department of Education (DepEd).
Makalihis an testimonya kan duwang auditor, pinaglalaoman man na mahampang si Marivic Pareja, director kan Information Resources Management Department kan House of Representatives.
Sinabi ni lead prosecutor Representative Gerville Luistro na matutok na ngunyan an prosekusyon sa audit process asin sa mga nadiskubre kan COA, kaibanan an Notice of Disallowance na ipinaluwas katakod kan suboot kuwestiyonableng paggastos kan confidential funds.
Enot nang nagtestigo an mga retiradong LandBank branch managers na sinda Violeta Constantino asin Nenita Camposano, na naglahad kan detalye sa pag-encash kan Treasury checks na nagkakantidad nin P612.5 million para sa OVPasin DepEd kan si Vice President Sara pa an sekretarya kan ahensya.
Sa irarom kan Article I kan impeachment complaint, pig-aakusaran si Duterte kan suboot salang paggamit nin P612.5 million confidential funds na itinagama sa OVP asin DepEd.
Segun sa prosekusyon na an liquidation kan pondo an sinabayan nin kuwestiyonableng acknowledgment receipts na laog an mga pangaran siring kan “Mary Grace Piattos,” “Milky Secuya,” asin “Kokoy Villamin,” afuera pa sa ginatos na pangaran na dae suboot nagtutugma sa record kan Philippine Statistics Authority (PSA).
