Tinuyaw ni Vice President Sara Duterte an kamugtakan kan journalism sa Pilipinas, kasunod kan saiyang pagbisita sa saiyang ama na si dating Presidente Rodrigo Duterte sa The Hague.
Sinabi ni VP Sara na harayo pa suboot an kalidad kan journalism sa Pilipinas kumpara sa international media.
Segun pa sa Bise Presidente, mas maayos an paagi kan mga international media sa paghahanap asin paglalahad ng mga balita.
Ginibo ni Duterte ang pahayag matapos siyang haputon mapadapit sa suboot pagkua kan pirang media outlet sa saiyang mga pahayag nin wara sa tamang konteksto, na nagkawsa nin negatibong paghiling saiya asin sa saiyang pamilya.
Ipigdoon man nya bako dapat kwarta an pangenot na rason kan pamamahayag, huli sa kun ini sana an magigin obheto, madidipisilan suboot magkaigwa nin tunay na pagbabago sa nacion.
Sinabi man ni Duterte na dakulang tabang an social media huli sa nagtatao ini nin pagkakataon sa publiko na mahiling an manlaen-laeng pananaw asin sadiring bersyon ng mga pangyayari.
Nagpahayag man siya nin pagkahadit sa nagbabagong pagtataong importansya kan pirang Pilipino, asin nangapudan na tawan importansya an mga katangian siring kan bayanihan, discipline, asin resilience.
