LEGAZPI CITY-Laoman na malangkaw an pamasahe kan mga pampasaherong eroplano sa enot na duwang semana kan Agosto.
Segun sa Civil Aeronautics Board (CAB) na an fuel surcharge, itataas sa Level 13 poon Agosto 1 hasta Agosto 15.
Ini kasunod kan padagos na nangyayaring tensuon sa pagultanan kan Estados Unidos asin Iran.
Poon kan Hulyo 16 hasta 31, 2026, nasa Level 8 an fuel surcharges.
Sa irarom kan Level 13, an mga pasahero magbabayad kan P423 hasta P1,237 sa fuel surcharges para sa domestic flights asin poon
P1,396.74 hasta P10,385.42 naman para sa international flight.
An fuel surcharge, iyo an optional fee afuera pa sa base fare kun sain posibleng ipasa kan airlines sa mga pasahero kaini ngani makabawi sa pagkalugi huli sa halangkaw na jet fuel.
