LEGAZPI CITY- Ipinaliwanag kan Social Security System (SSS) Legazpi an mga kwalipikasyon ngani na makaresibe nin P2,000 na asistensya puon Hulyo 2026 hasta Disyembre 2026 sa irarom kan UPLIFT Program.
Ini an katakod kan Executive Order 110 series of 2026 na pinirmahan ni Presidente Ferdinand Marcos Jr. na obhetong magtaong asistensya kasunod kan pagdedeklarar kan State of National Energy Emergency.
Segun ki SSS Legazpi Spokesperson Jeanette Mapa sa intrevista kan Bombo Radyo Legazpi na an SSS members an parte kan group 3 kun sain makikinabang an nasa 1.5 million na mga miyembro kan ahensya.
Ngani na mag kwalipika, kinakaipuhan na employed asin kaibanan sa 2024 community based monitoring system kan Philippine Statistics Authority.
Ika-duwa na dapat na igwang P20,000 o mas hibaba pa na bulanan na sweldo asin nakapaghulog nin maski sarong bulan kan 2025 hasta 2026.
Kinakaipuhan man na igwang naka enrool na disbursement na account sa SSS as of April 2026.
Nilinaw man ni Mapa na saro sana sa kada pamilya an matatawan kaini.
An mga kwapilikadong miyembro an makakaresibe nin notification sa paagi kan saindang SSS account kaya pinayuhan an publiko na maglikay sa posibleng scam.
