LEGAZPI CITY-Dumulog na sa Korte Suprema an kampo ni Senador Jinggoy Estrada ngani hagadon na baguhon an nagin desisyon kan Sandiganbayan na dai siya tugutan na makaatendir sa impeachment trial ni Vice President Sara Duterte-Carpio.
Nagsangat man an kampo ni Estrada nin “petition for certiorari” laban sa desisyon kan Sandiganbayan Fifth Division na nagbasura sa saiyang mosyon kan Hulyo 9, 2026.
Susog sa law firm na Flaminiano Arroyo & Dueñas, nagkaigwa suboot kan “grave abuse of discretion amounting to lack or excess of jurisdiction” an Sandiganbayan kan tanggihan an kahagadan ni Estrada.
Nanindugan an mga abogado na mantang nakakulong si Estrada sa New Quezon City Jail huli sa pigkakahampang kaini na plunder case, nagtetenir pa man suboot an saiyang katayuan bilang incumbent senator asin saiyang trabaho bilang halal na mambabatas.
Tinwan doon kan kampo ni Estrada na an impeachment trial, sarong makasaysayang proseso nakatakda kan Saligang Batas asin nangangaipo kan personal na pagatendir kan gabos na senator-judges.
Sa presente, nahahampang si Estrada sa kasong plunder katakod kan suboot mga anomalya sa flood control projects.
