Nakahanda suboot an kampo ni Vice President Sara Duterte na hampangon an mga paratang laban saiya sa nagpapadagos na impeachment trial.
Ini makalihis magpuon na magluwas nin subpoena ang Senate impeachment court para kuwaon an pirang bank records at tax records ng Bise Presidente.
Segun sa tagapagtaram kan defense team ng Bise Presidente na si Atty. Michael Poa, bako sinda kontra sa paghahanap kan katotohanan.
Mawot nindang masierto na an gabos kan lakdang an naaayon sa Konstitusyon, umiiral na ley, asin mga alituntunin kan korte.
Dugang pa niya, piglalaoman na ninda an posibilidad na tugutan kan impeachment court ang pagkuha ng mga dokumento. Preparado man sindang patunayang walang basehan ang alegasyon kan suboot unexplained wealth ni VP Sara.
Kabale sa mga pinadarahan na kan subpoena ang Bureau of Internal Revenue (BIR), Anti-Money Laundering Council (AMLC), asin pirang bangko.
Sagkod Hulyo 30 ang itinakdang deadline para isumite ang mga pighahagad na dokumento ng impeachment court.
Paramientras na napundo an hearing kan impeachment trial huli sa paghahanda para sa State of the Nation Address ni Pangulong Ferdinand Marcos Jr.
Magigiromdomang nahampang si VP Sara sa impeachment huli sa alegasyon ng culpable violation of the Constitution, graft and corruption, betrayal of public trust, bribery.
Enot na man na pinahimutikan kan saiyang mga kampo an mga paratang.
