LEGAZPI CITY—Piglalaomang mabukas na sa bulan nin Agosto an pagklase sa pinakaenot na kolehiyo sa banwaan kan Camalig, Albay o iyo an Camalig Community College (CComC).
Segun ki Camalig LGU PIO Tim Florece, sa intrevista kan Bombo Radyo Legazpi, presenteng nagtatanggap na an nasabing kolehiyo nin mga enrollees.
Makalihis na magsairarom sa mga ebalwasyon an nadeterminar kan Commission on Higher Education (CHED) na preparado na man an eskwelahan na mag-ofresir nin degree program siring kan Bachelor of Engineering Technology Major in Construction Engineering Technology.
Paliwanag kan opisyal na ini an basado na man sa resulta kan ginibong survey kun sain nangenot an nasabing programa na mawot kan mga high school students sa saindang banwaan.
Dugang ni Florence, sa ngunyan padagos an koordinasyon kan LGU Camalig sa CHED kun ano pa an pwedesir na i-ofresir na mga degree program.
Prayoridad suboot kaini an mga estudyante gikan sa Camalig huli sa saro sa mga obheto ninda an mabawasan an gastuson sa pagklase asin dae na magrayo pa nin eskwelahan an mga estudyante sa saindang lugar.
