Mapasiring sa Pilipinas si US Secretary of State Marco Rubio samasunod na semana ngani na mag-atendir sa pag-oolay kan Association of Southeast Asian Nations (ASEAN) foreign minister.
Segun ki State Department spokesperson Tommy Pigott, limang aldaw magtetenir sa Pilipinas si Rubio puon Hulyo 19 hasta 23 para sa Asean Post-Ministerial Conference, East Asia Summit Foreign Ministers’ Meeting and the Asean Regional Forum Foreign Ministers’ Meeting.
Nakatalaan man na makipaghilingan an US top diplomat sa senior government officials hali sa Indo-Pacific countries.
Sinabi kan US State Department na obheto kan pagbisita ni Rubio na ipahiling an mga nakuwa na resulta sa kooperasyon kan Estados Unidos asin ASEAN, asin pakusugon pa an komprehensibong partnership kan Washington sa Pilipinas.
Tatawan duon kaini an commitment kan Estados Unidos sa sarong malaya asin bukas na Indo-Pacific region.
Pinaglalaoman man na maatendir sa meeting an foreign ministers hali sa US, China, Japan, South Korea, Australia, Canada, Russia, European Union asin United Kingdom.
Nakatalaan na tukaron an mga isyu sa regional security, geopolitical developments asin economic cooperation.
