LEGAZPI CITY-Ipighayag ni Public Interest and Human Rights Lawyer Atty. Dino Singson de Leon na dapat na ipa-subpoena kan senator judges an mga Bank, Tax records, asin Anti-Money Laundering Council (AMLC) ni Vice President Sara Duterte asin saiyang agom ngani magin malinaw an mga paratang.
Segun sa abogado sa intrevista kan Bombo Radyo Legazpi na “powerless” sinda kun dai ini ipapa-subpoena.
Tinawan doon man niya na igwang exemption ini sa Bank Secrecy Law huli ta dai dapat napupugulan an katotoohan.
Pighahagad man niya na an senado dai dapat itago an mga ebidensya asin warang mas halangkaw na ley sa konstitusyon.
Pinayuhan man niya an depensa ni VP Sara na dai magin “overly technical” o “defensive” huli ta mas nagmumukha na igwa sindang pigtatago.
Sinabi pa kan abogado na maski ngonian, dai pa nabanggit kan depense na inosente an saindang kliyente.
Kinakaipuhan suboot an optics digdi, siring man sa Presiding Officer na si Senator Chiz Escudero, na dapat dai nagpapa-assert sa saiyang otoridad sa iba pang mga abogado asin senador sa senado.
