LEGAZPI CITY-Sinabi kan sarong Public Interest asin Human Rights Lawyer na supisyente na an mga hinampang na witness kaiba pa an masunod na witness na si Atty. Melvin Matibag para sa Article IV kan impeachment trial laban kay Vice President Sara Duterte.
Segun kay Public Interest and Human Rights Lawyer Atty. Dino Singson de Leon, sa intrevista kian Bombo Radyo Legazpi na sa mga nakalihis na paglilitis kun sain duwang witness an naihampang, malinaw na napatunayan na bako dapat si Duterte an Panduwang Presidente kan Pilipinas, orog na nakompromismo an national security.
Paliwanag kan abogado na sa grave threat kaipuhan igwang kapasidad an tawo na patotoohan an mga banta.
Inurong na an anom na witness huli ta supisyente na ini asin magpapadagos na sa isyu kan confidential funds asin mahiling an mga ebidensya.
Pinaglalaoman man niya na maipaliwanag mismo ini sa personal kan Bise Presidente.
Sinabi pa kaini na bastante na ini ngani i-decline an public trust asin mahilingan nin weakness an karakter kan ofisina.
Piglalaoman man niya na patunayan ni Matibag kun gano kaseryuso an NBI sa mga banta ni VP Sara asin an kapasidad niyang magsagibo nin violence maski pa sa mga opisyal na igwang lawful duties.
Dagdag pa niya na maikokonsidera nang kapangganahan kan taumbayan an pagdagos sa impeachment trial huli sa pagpugol kaini kan nakaaging taon.
