LEGAZPI CITY-Tinawan kan sarong Political Analyst nin 8/10 na grado an an presentasyon ni Atty. Jeremy Lotoc bilang witness sa impeachment trial ni Vice President Sara Duterte.
Segun kay Political Analyst Prof. Amr Solon Sison, sa intrevista kan Bombo Radyo Legazpi, na mantang medyo ‘boring’ o bako ‘exciting’ ini, digdi nahihiling an detalye asin tinawan niya nin tamang presentasyon kan impormasyon kun sain paduman an impeachment trial.
Sa pirang aldaw na paglilitis, sinabi niya na digdi nahiling an political aspects kan impeachment huli ta ini an basehan kun matatangal sa pwesto an Bise Presidente.
Kun kaya tinawan doon ni Sison na dae dapat hilingon an impeachment court bilang kapareho kan korte.
Sinabi man niya na nalagpasan ni Lotoc an mga cross examination kan depensa, siring man an suboot “intended political action o manuevers” kan mga senator-judges.
Huli digdi, nagtaong ideya an ikalimang aldaw kan paglilitis sa dagos na proseso.
Patanid man niya sa publiko na mag-konsumo nin mga impormasyong hale sa mapagkakatiwalaang resources, asin limitahan an paglaom sana sa mga pre-recorded asin pre-analyzed na mga konteksto huli ta digdi nagkakaigwa nin manlain-lain na interpretasyon.
