Naghagad nin tabang an South Korea sa North Korea ngani na mahanap an nawawarang coast guard na pinagtutubudan na posibleng napadpad sa parte kan teritoryo kan Pyongyang.
Segun sa South Korean Unification Ministry, nawawar a an sarong navy seaman kan Hulyo 12 mantang nagsasagibo nin coast guard duty sa East Sea, na bisto man bilang Sea of Japan.
Posible suboot na tinangay nin makusog na ukol an nawawarang seaman sa Northern Limit Line, an itinalaan na border sa pagultangan kan South asin North Korea.
Huli ta warang aktibong linya nin komunikasyon an duwang nacion, ipinadara kan South Korea an saindang kahagadan sa paagi kan text message sa mga mamamahayag ngani na maipaabot an mensahe sa Pyongyang.
Hinagad man kan South Korean government an kooperasyon kan North Korea sa paghahanap asin ligtas na pagbabalik kan nawawarang coast guard.
Mientras tanto, wara pang pahayag hali sa North Korean government dapit sa nasabing kahagadan.
