LEGAZPI CITY-Nagpaluwas nin abiso an Philippine Coast Guard (PCG) katakod kan kaligtasan sa kadagatan poon alas-4 hasta alas-8 nin hapon kasuudma, Hulyo 10, 2026.
Sa isinagibong pagbabantay, apektado an kabilugang 62 pantalan sa manlain-lain na rehiyon sa nacion, huli sa raot nin panahon.
Sa Bicol region, apektado an mga pantalan kan Pasacao, Mobo, Cataingan, Mintac, Aroroy, San Pascual, San Jacinto, Monreal, San Fernando asin Lagundi.
Igwa man na stranded na 92 pasahero, 11 rolling cargoes, 2 barko asin 3 motorbanca, mantang 13 barko asin 2 motorbanca an paramientras na nakatago.
Sa Southern Tagalog, nagkapirang pangenot na pantalan siring kan Real, Jomalig, Dinahican, Panukulan, Lucena, Alabat, San Andres, Bulalacao, Roxas, Concepcion, Pola, Romblon, San Agustin, asin iba pa an apektado.
Sa Balanacan man nakapagrehistro nin nasa 316 pasahero asin 30 rolling cargoes an na-stranded, mantang 111 barko asin 120 motorbanca an paramientras na nakatago.
Sa North Western Luzon, apektado kan raot nin panahon an an mga pantalan sa Agoo, Lingayen Gulf, Sual, Magsaysay, Salomague, Onri, Pasuquin asin Laoag.
Apektado man an nagkapirang pantalan sa BARMM, Western Visayas asin Southern Visayas.
Sa kabilugan, uminabot na sa 957 pasahero, kabale an mga truck drivers asin cargo helpers, 242 rolling cargoes, 13 barko asin 33 motorbanca an na-stranded, mantang nasa 168 barko asin 154 motorbanca an paramientras na nakatago ngani maibitaran an peligro na kawda kan kondisyon kan panahon.
