LEGAZPI CITY- Aminado an sarong political analyst na bako magayon paghilingon na igwang duwang president officer sa impeachment trial kontra ki Vice President Sara Duterte.
Ini makalis mailehir si Senator Chiz Esudero bilang president officer sa enot na aldaw kan paglilitis.
Segun ki Prof. Froi Calilung sa intrevista kan Bombo Radyo Legazpi na sa komon na mga impeachment, an Senate President an nagpi-preside sa paglilitis, afuera na sana kun presidente an piglilis.
Aminado man ini na nasasabutan ni Senate President Sherwin Gatchalian na igwa siyang limitasyon sa legal na aspeto kaya itinao an poder ki Sen. Escudero.
Marurumduman na si Sen. Escudero an sarong abogado asin igwa na nin eksperyensya sa impeachment proceedings.
Sa ibong kaini, sinabi ni Prof. Calilung na antes pa man magtukaw bilang Senate President dapat na inantisiparan na ni Sen. Gatchalian an magiging impeachment trial kaya dapat na pinaghandaan na ini.
Paliwanag kan propesor na bako sana an posisyon an pigkukuwa kundi an kakabit na responsibilidad.
