Naeeksperyensyahan ngunyan kan Cuba an mahewasan na power outage makalihis bumagsak an national electric grid kan Lunes nin udto (oras sa Cuba).
Segun sa grid operator kan Cuba na UNE, biglang nag-collapse an bilog na electrical system kan nacion, rason ngani na mawaran nin kuryente an pigkakarkulong nasa 10 milyon na mga tawo.
Pig-iimbestigaran man kan mga otoridad an kawsa kan nasabing total blackout.
Marurumduman na haloy nang problema sa nasabing nacion an pauru-utro na power outages.
Sa mga nakalihis na bulan, naka eksperyensya an Cuba nin nagkapirang oras hasta nagkapirang aldaw na brownout huli sa lumang power infrastructure asin kakulangan nin gasolina para sa mga planta nin kuryente.
