LEGAZPI CITY-Pighahagad ni Presidente Ferdinand Marcos Jr., sa gobierno kan Canada na gibohong malinaw asin transparent an saindang bagong polisiya sa migration ngani maaraman kan mga Pilipino sa Canada an saindang presenteng kamugtakan.
Segun sa Presidente, binawasan na an quota para sa mga Pilipino workers asin igwa pang nagkapirang parte kan bagong ley na bako pa malinaw.
Sinabi niya na dai niya hinahagad sa Canada na baguhon an ley kaini kundi mawot sana niyang magin malinaw an mga patakaran.
Sinabi pa kaini na nakaolay niya an nagkapirang Pilipinong haloy nang nagtetenir asin nagtatrabaho sa Canada, kaya importanteng masierto na dai maapektaran an saindang kamugtakan.
Idinagdag niya na an malinaw na polisiya makakatabang man sa Pilipinas na maka-adjust sa mga bagong regulasyon kan Canada.
Dugang pa niya na pighahagad ninda, iyo an gibohong malinaw asin transparent kun ano an mga patakaran, ngani maaraman kan mga Pilipino digdi na yaon na sa Canada an saindang estado.
