LEGAZPI CITY-Pinahimutikan kan Kontra Daya an mga alegasyon kan mga nakisumaro sa nasa INC rally na suboot ‘selective justice’ an isinangat na kaso laban kay Senator Rodante Marcoleta.
Segun kay Kontra Daya Convenor Prof. Danilo Arao, sa intrevista kan Bombo Radyo Legazpi, na nasasabutan ninda an hinaing kan mga kababayang INC alagad ‘debatable” an pigsasagibing ‘selective justice’ o nasi-single out an Senador.
Paliwanag ni Arao na bako ini totoo alagad katunayan an pigfile nindang kaso sa Ombudsman, kairiba digdi sina President Marcos, VP Sara, asin sarong partylist kun kaya warang basehan an pigsasabi nindang ‘selective justice’.
Bako man suboot ini pag-protekta sa Ombudsman, alagad nanindugan an ahensya na bubusisihon an iba pang mga personahe na dapat nindang panindugan.
Napaka-unfair man suboot ini para sa saindang grupo na parehong nangangapudan nin paninimbagan sa gabos na imbuelto asin pinangangatawanan ninda ini maski pa limitado an rekurso sa pag-sangat nin complaint.
Kun kaya wara suboot na pagbabaluktot sa ley o ‘political persecution’ laban kay Senator Marcoleta.
Nilinaw man niya na an saindang pigsangat laban sa Senador, iyo an ‘perjury’ o dai pagsabi nin katotoohan na mismong violation sa election rules kan Comelec.
Ini may kinaaraman sa saiyang pag-ako kan Nombyembre 2025 na nakakuwa siya nin donasyon alagad dai pig-deklara asin inilaag niyang zero an saiyang campaign contributions.
