Siyam na Buddhist monks an nagadan mantang pirang iba an nairido makalihis na araruhon kan sarong 11-anyos na joven na lalaki na nagmaneho nin pickup truck kan saiyang mga magurang sa Mukdahan Province, Thailand.
Naglalakaw an grupo nin 35 monghe asin limang lay followers sa sarong kalsada sa Mukdahan province bilang parte kan sarong pilgrimage kan mawaran suboot nin kontrol sa behikulo an joven na drayber asin sumalpok sa saindang prusisyon.
Lima sa mga monghe an nagadan sa mismong lugar kan insidente mantang an apat an binawian nin buhay sa ospital.
Tulo an nagtitinir na nasa kritikal na kondisyon asin lima an nagsapar nin malulubhang danyos.
Basado sa paenot na imbestigasyon, kinuha suboot kan joven an pickup truck nin warang pagtugot kan saiyang mga magurang.
Pig-imbestigaran pa an kawsa kan aksidente asin kun ano an magiging legal na proseso huli sa menor edad an naimbuelto.
