Inihayag ni Senator Risa Hontiveros sa ipigkondusir na pagdangog kan Senate Committee on Women, Children, Family Relations and Gender Equality na igwang mga indikasyon na an pambabadil sa San Jose National High School sa Tacloban City an naimpluwensyahan nin sarong dayuhang grupo.
Tinukoy kan senadora na an pambabadil an posibleng may koneksyon o impluwensya hali sa pig-aapod na “764 Network”.
An nasabing grupo an hali sa Texas, USA.
Segun sa nadiskubre kan komite, an modus operandi kan grupo an pag-target kan mga bulnerableng jovenes sa internet.
Pigagamit suboot an mga chat functions sa mga online gaming platforms ngani na maging “adult groomer”.
Pigbi-brainwash asin pigra-radicalize ninda an mga joven ngani na mag-arog kan mga madahas na aktibidad siring kan school shootings, gumibo nin pornograpiya, asin mangulog nin ibang tawo asin magin kan sadiri.
