Dae mababa sa 14 kaakian an nagadan mantang lima an nairido makalihias magrasay an bubong kan sarong tutoring center sa Lahore, Pakistan.
Kinumpirmar man kan mgaopisyal kan ciudad an numero kan mga nagadan asin sinabing sarong paratukdo an nairido.
Napag-araman na nasa edad 4-anyos hasta 12-anyos an mga biktima na binawian nin buhay.
Padagos man na pigbubulong sa ospitalan mga nairido.
Nagpahayag man nin pakikidumamay si Pakistan Prime Minister Shehbaz Sharif sa mga pamilya kan mga biktima asin ipigsugo an tulos na pagtatao nin tabang medikal sa mga nairido.
Segun sa opisyal na ipapaotob an “transparent, unbiased and immediate investigation” ngani na maaraman an mga responsable sa insidente.
Marurumduman na komon an mga pagbagsak nin establishimento sa Pakistan huli sa maluyang safety standards asin substandard na mga materyales.
