Kinumpirmar kan National Capital Region Police Office (NCRPO) na duwang indibdiwal an inarestar makalihis an kariribukan sa pagultangan kan mga nagpo protesta asin kapulisan sa sarong rally sa EDSA ngunyan na Martes.
Suminiklab an tensyon makalihis iligal na park an nagkapirang bus na nagkawsa nin matinding trapiko sa EDSA-White Plains.
Segun ki NCRPO Director MGen. Anthony Aberin, nahali na anmga nakaharang na bus asin tulos na dinakop an nasa likod kaini.
Kinumpirmar man kan opisyal na kaibanan sa mga inarestar an sarong nanapak asin an driver na nangulog sa kapulisan.
Mientras tanto, sarong pulis man an idinalagan sa ospital makalihis mahagip kan saro sa mga bus.
Huli sa insidente sa lugar, nag-deploy an NCRPO nin haros 5,000 tauhan asin naghagad man nin reinforcement ngani na mamantenir an seguridad.
