LEGAZPI CITY-Tinawan doon kan grupo nin mga nurse na nasa 64% sa mga pamilyang Pilipino an nangungutang ngani sana mabawasan an hospital bill na haros nagkakatindad nin P10,000.
Segun kay Filipino Nurses United President Jocelyn Andamo sa intrevista kan Bombo Radyo Legazpi, na nababaon an mga pasyente sa utang huli sa health emergency na kaipuhan magpaluwas nin kwarta.
Sinabi pa niya na nadidifisilan an mga kababayan enkaso igwang helang, siring man an mga health personnel.
Ipig-duon niya na saro ining krisis kun sain nakukurakot pa an mga ini.
Sa ibong kaini, pangapudan kan grupo na mag-resign na si Secretary Ted Herbosa huli ta dai niya suboot nagagampanan an saiyang pepel na mag-serbisyo asin mapangatamanan an kapakanan kan mga health workers na nagpupursigeng magtrabaho sa namamanwaan sa ospital man asin komunidad.
Dagdag pa ni Andamo na dapat na ipaglaban an direchos ngani mapansin asin matawan nin halaga ini, siring man na magkasararo ngani ipangapudan an mga hinaing kan mga Filipino nurses asin health sectors.
